Бүгүн, 24-январда Бишкек шаарында милиция кызматкерлери жүзүн таануу функциясы бар сырткы видеобайкоо камераларынын жардамы менен издөөдө жүргөн жаранды кармады. Бул тууралуу ИИМдин басма сөз кызматы билдирди.
Маалыматка ылайык, Чуй облусунун тургуну Т.Р. аттуу жаран КР Кылмыш-жаза кодексинин 206-беренеси (тоноо) менен издөөдө жүргөн.
Көзөмөл камералары бул жаранды издөөдө жүргөн адам катары тааныган.
Белгилей кетсек, Т.Р. аттуу жаран буга чейин дагы Чүй облусунун аймагында жайгашкан намазкандардын биринде уурулук кылганы, сырткы видеобайкоо камераларына түшуп калган.
Аталган иш боюнча тергөө иштери уланууда.
Пикирлер (0)
Пикир жок. Сиз биринчилерден болушуңуз мүмкүн