Түркиянын 11 жаранына, анын ичинде Орхан Инандыга жарандык берилгени үчүн козголгон кылмыш иштин алкагында жоопко тартылган Фарид Ниязов, Бусурманкул Табалдиев жана Эрнис Апилов акталды. Бул туурасында Биринчи май райондук сотунан кабарлашты.
Чыккан чечимде алардын реабилитацияланууга укугу бар экени жана аракеттеринде кылмыштын элементи жок болгону үчүн акталганы айтылган.
Түркиялыктарга жарандык берилген учурда Ниязов президенттик аппараттын башчысы, Табалдиев УКМКнын төрагасы, ал эми Апилов президенттин алдындагы жарандык берүү боюнча комиссиянын катчысы болуп иштеп турган.
Эскерте кетсек, бул иш боюнча күнөө мурдагы президент Алмазбек Атамбаевге да тагылып, кийин акталган.
Пикирлер (0)
Пикир жок. Сиз биринчилерден болушуңуз мүмкүн