Түркия Республикасынын Ички иштер министри Сулейман Сойлунун жумушчу сапарынын алкагында бүгүн, 8-ноябрда, Тарых жана ата-бабаларды эскерүү күндөрүнө байланыштуу «Ата-Бейит» Улуттук тарыхый-мемориалдык комплексине барды. Бул тууралуу ИИМдин басма сөз кызматы билдирди.
Иш-чарага Кыргыз Республикасынын Ички иштер министри Улан Ниязбеков жана ИИМдин кызматтарынын жетекчилери катышты.
Иш-чаранын катышуучулары 1916-жылдагы коогалаңда курман болгондорду эскерүү мемориалына, Саясий репрессиянын курмандыктарынын эстелик мемориалына, жазуучу Чыңгыз Айтматовдун мүрзөсүнө жана 2010-жылдагы Апрель элдик революциясынын баатырларынын мемориалына гүл коюшту.
Пикирлер (0)
Пикир жок. Сиз биринчилерден болушуңуз мүмкүн