Талас облусунда контрабандалык дары-дармектердин партиясы кармалды. Бул тууралуу Улуттук коопсуздук боюнча мамлекеттик комитеттин басма сөз борбору билдирди.
«26-июнь күнү «Чоң-Капка-автодорожный» көзөмөл-өткөрүү пунктунан Кыргызстандын жараны башкарып бара жаткан «Мерседес-Бенц» үлгүсүндөгү унаа дары-дармектерди мыйзамсыз алып кирүүгө аракет кылган учурда кармалган. Транспорттун ичинен үй буюмдарынын астына катылган 28 куту дары-дармектер табылган. Ошол эле учурда товардын документтери болгон эмес. Дары-дармектерди ташуу боюнча милдеттүү шарттар аткарылган эмес», - деп айтылат маалыматта.
Улуттук коопсуздук боюнча мамлекеттик комитет дары-дармектерди мыйзамсыз жеткирүүгө тиешеси барларды издеп жатат. Милдеттүү салыктык чегерүүлөрдү төлөбөгөндүктөн келтирилген зыяндын өлчөмү белгиленет.
Пикирлер (0)
Пикир жок. Сиз биринчилерден болушуңуз мүмкүн