Таласта уюшкан кылмыштуу топтун мүчөсү бангизат менен кармалды

Таласта милиция кызматкерлери уюшкан кылмыштуу топтун мүчөсү баңгизат менен кармады. Бул тууралуу Ички иштер министрлигинен билдиришти.

Маалыматка ылайык, январь айынын аягында Чүй жана Талас облустары боюнча уюшкан кылмыштылуулукка каршы күрөшүү бөлүмүнүн кызматкерлерине "Темке" аттуу киши баңгизаттарды сактап, сатуу менен алектенип жүргөнү белгилүү болгон.

Ыкчам-издөө иш-чараларын жүргүзүүдө "Темке" аттуу адам Талас облусунун 1978-жылы туулган тургуну К.К. экени аныкталган.

Факт боюнча Талас облустук ички иштер башкармалыгынын тергөө кызматы кылмыш ишин козгоп, 1978-жылы туулган К.К. аттуу жарандын үйүн тинтүү учурунда "марихуана" баңги заты табылып, алынган.

1978-жылы туулган К.К. аттуу жаран ИИМдин ыкчам каттоосунда "Талас бригадасы" уюшкан кылмыштуу тобунун мүчөсү катары турат.

Учурда иш боюнча кошумча тергөө иштери жүрүп жатат.