Сүйүнбай Шекербековдун демөөрчүлүгү менен Көк-Кашат айылынын имамы Бакыт Сатыбалдиевге жаңы, заманбап турак-жай салып берилди. Үйдү тапшыруу аземине Талас облусунун мусулмандарынын казысы Сулумбек ажы Узеналиев, айыл аксакалдары жана демөөрчү Сүйүнбай Шекербеков үй-бүлөсү менен катышты. Бул тууралуу муфтияттын басма сөз кызматы билдирди.
Облус казысы Көк-Кашат айылынын имамы Бакыт Сатыбалдиевге колдоо көргөзүп, турак-жай салып бергени үчүн демөөрчүгө ырахмат айтып, казыяттын атынан ыраазычылык кат тапшырды.
Ал эми айыл имамына үй белек кылган демөөрчү Сүйүнбай Шекербеков: «Кудайга шүгүр, мечиттерибиз заманбап, ар бир айылда эки-үчтөн мечиттерибиз бар. Эми мечитти иштетип, эл кызматын кылган имамдарга көңүл буруп, алардын жашоо шарттарын жакшырта турган мезгил келди», – деп билдирди.
Пикирлер (0)
Пикир жок. Сиз биринчилерден болушуңуз мүмкүн