Кыргызстандын Улуттук коопсуздук мамлекеттик комитети мас абалында УКМК кызматкерлери Таласта эс алуучуларды травматикалык тапанча колдонуп, сабашкан деген маалыматты четке кагууда.
Мамлекеттик комитеттин басма сөз кызматынын маалыматына ылайык, 2021-жылдын 20-июнунда Кыргыз Республикасынын УКМКнын Талас облусундагы кызматкерлери менен жергиликтүү тургундардын ортосунда жаңжал чыккандыгы айтылат. Бирок алар курал колдонушкан эмес.
Ошондой эле УКМК кызматкерлери жергиликтүү тургунду коркутуп-үркүтүп көрсөтмөсүн өзгөртүүгө мажбурлашты деген маалымат чындыкка дал келбейт, анткени оозеки айтышуудан кийин окуя тараптардын элдешүүсүнөн улам жөнгө салынган.
Бул окуя боюнча кызматтык иликтөө жүрүп жатат, анын жыйынтыгы боюнча КР УКМКнын Талас облусу боюнча башкармалыгынын кызматкерлерине карата тиешелүү чаралар көрүлөт.
Пикирлер (0)
Пикир жок. Сиз биринчилерден болушуңуз мүмкүн