Орусиянын Борбордук шайлоо комиссиясы азыркы мамлекет башчысы жана өзүн өзү көрсөткөн талапкер Владимир Путинди 2024-жылдын мартында өтө турган президенттик шайлоого талапкер катары каттады. Бул тууралуу Интерфакс билдирди.
Агенттиктин маалыматына караганда, Владимир Путин Орусия Федерациясында алдыдагы президенттик шайлоодо катталган төртүнчү талапкер болуп калды.
Буга чейин Борбордук шайлоо комиссиясы ЛДПР партиясынын жетекчиси Леонид Слуцкийди, Мамлекеттик Думанын вице-спикери, «Новые люди» партиясынын мүчөсү Владислав Даванковду жана Мамлекеттик Думанын депутаты (Россия Федерациясынын Коммунисттик партиясынын фракциясы) Николай Харитоновду каттаган.
Президенттик шайлоо 2024-жылдын 15-мартынан 17-мартына чейин өтөт.
Пикирлер (0)
Пикир жок. Сиз биринчилерден болушуңуз мүмкүн