Жалал-Абад облусунда 22 балык чарба ишмердүүлүк жүргүзүүдө

Жалал-Абад облусундагы балык чарбаларына мониторинг жүргүзүлдү. Бул тууралуу Суу ресурстары, айыл чарба жана кайра иштетүү өнөр жайы министрлигинен билдиришти.

Маалыматка ылайык, жеринде жүргүзүлгөн текшерүүнүн жыйынтыгында Жалал-Абад облусундагы жалпы 22 балык чарба министрлик менен келишим түзүп, ишмердүүлүгүн алып барууда. Анын ичинде:

• Токтогул суу сактагычында – 9 балык чарба;
• Күрпсай суу сактагычында – 5 балык чарба;
• Таш-Көмүр суу сактагычында – 4 балык чарба;
• Шамалды-Сай суу сактагычында – 4 балык чарба иштеп жатат.

Мониторингдин жыйынтыгында товардык балык өндүрүүнү көбөйтүү жана ветеринардык-санитардык эрежелерди так сактоо боюнча сунуштар берилди.