Кыргызстанда жалпы республикалык тестирлөөгө каттоонун акысы жогорулатылды. Бул тууралуу маалымат жыйында Билим берүүнү жана окутуунун усулдарын баалоо борборунун директору Чынара Батракеева билдирди.
Анын айтымында, быйыл негизги жана ар бир предметтик тесттин акысы 470 сомду түзөт.
Белгилей кетсек, мурда бул сумма 370 сомду түзгөн.
"Бул сумма жакынкы эки жылга белгиленди. Ага тестирлөө үчүн суроолорду түзүү, жеринде тестирлөө жүргүзүү, администраторлордун иши, тест жана каттоо материалдары, сертификаттарды басып чыгаруу кирет", - деп түшүндүрдү ал.
Пикирлер (0)
Пикир жок. Сиз биринчилерден болушуңуз мүмкүн