Баткен районунун Миң-Булак айылында каналды оңдоо иштери жүрүп жатат. Бул тууралуу Баткен облустук суу чарба башкармалыгын башчысы Мамашарип Бердалиев Turmush басылмасына билдирди.
Маалыматка караганда, 1991-жылындагы Кыргызстан, Тажикстан жана Өзбекстан мамлекеттеринин ортосундагы Ак-Суу дарыясындагы сууну бөлүштүрүү боюнча түзүлгөн келишимдерине ылайык, биринчи октябрдан биринчи апрелге чейин 6 ай толугу менен Ак-Суу дарыясынан үзгүлтүксүз сууну кыргыз тарап пайдаланып, Төрт-Күл суу сактагычына суу куюлат. 1-апрелден баштап 1-июнга чейин сууну Тажикстан менен Өзбекстан пайдаланат. Андан кийин 4 ай 1-октябрга чеийнки аралыкта 3 мамлекет пайдаланып келет. Төрт-Күл суу сактагычына куюучу каналдын Миң-Булак айылында жайгашкан 129-белгисинде тиешелүү кызматтар тарабынан оңдоп-түздөө иштери жүрүп жатат.
Мындан сырткары Кыргызстандын Самаркандек айыл аймагынын Орто-Сай жана Паскы-Арык айылдарына Тажикстанды аралап өткөн Кайырма, Жыйноо каналдары жана Кара-Бак айыл аймагынын Достук айылына келүүчү сугат каналда тазалоо иштери жүрүп жаткандыгына байланыштуу суугат суу убактылуу токтотулган. Учурда каналдада тазалоо, оңдоп-түздөө иштери соңуна чыгып жатат. Жакынкы 1 сутка ичинде Баткен районунун Паскы-Арык, Орто-Сай жана Достук айылдарына суугат суусу берилет.
Бердалиев суу мыйзамсыз берилип жатат деген кептерди четке кагып, суу берүү маселеси көзөмөлдө экендигин айтты.
Пикирлер (0)
Пикир жок. Сиз биринчилерден болушуңуз мүмкүн