Акыркы суткада дагы 10 медицик коронавирус жуктуруп алды

Бир сутка ичинде өлкө боюнча 10 медициналык кызматкер коронавирус жуктуруп алганы аныкталды. Бул тууралуу республикалык штабдан билдиришти. 

Жаңы учурлар: 

- Бишкек шаарында – 1

- Чүй облусунда – 1

- Ош облусунда – 4

- Жалал-Абад облусунда – 3

- Талас облусунда – 1

Ал эми бир суткада 1 медициналык кызматкер ооруканалардан айыгып чыгарылды. Үй карантининен 2 медкызматкер чыгарылган.

Жалпысынан республика боюнча COVID-19 диагнозу менен медициналык кызматкерлер арасында – 3364 учур катталды, алардын ичинен 3072 медкызматкер айыгып чыкты.