Өлкөдө айыл чарба продукциясын кайра иштетүү тармагы туруктуу өсүүдө

2025-жылдын алты айынын жыйынтыгы боюнча өлкөдө айыл чарба продукциясын кайра иштетүү тармагында туруктуу өсүү байкалууда.

Суу ресурстары, айыл чарба жана кайра иштетүү өнөр жайы министрлигинен билдиришкендей, эсептик мезгилде тамак-аш өнөр жайы, анын ичинде суусундуктар менен тамеки продукциясын өндүрүү ишканаларынын үлүшү кайра иштетүү өнөр жайынын жалпы көлөмүнүн 21,5 пайызын түздү.

Алдын ала эсептөөлөр боюнча, 2025-жылдын январь-июнь айларында тамак-аш өнөр жайы тарабынан 48 млрд 401,7 млн сомдук продукция (учурдагы баалар менен) өндүрүлгөн. Физикалык көлөмдүн индекси 144 пайызды түзүп, өткөн жылдын ушул мезгилине салыштырмалуу өндүрүш көлөмүнүн кыйла өскөнүн көрсөтүүдө.