Өмүрбек Текебаев: Талибандардын бийлигин таанып, кызматташышыбыз керек

Талибандар менен келишим түзүп, кызматташышыбыз керек. Мындай пикирин "Ата Мекен" партиясынын лидери Өмүрбек Текебаев билдирди.

Анын айтымында, Кыргызстан бейрасмий түрдө талибандардын бийлигин тааныды.

"Кыргызстан бейрасмий түрдө талибандардын бийлигин тааныды. Аны Таалатбек Масадыковдун президенттин тапшырмасы менен гуманитардык жардам көрсөтүп келгени далилдеп турат.

Биз тажик эли менен ынтымак болушубуз керек. Бирок тажик президенти Эмомали Рахмондун жүргүзгөн терс саясатын чектөө үчүн талибандар менен кызматташуубуз зарыл",- деди Текебаев.