Өзбекстандын түштүгүндөгү Кашкадарыя облусунда автобустун ичиндеги газ баллон жарылып, төрт адам ооруканага түшкөнүн өлкөнүн Өзгөчө кырдаалдар министрлигинин маалымат кызматы билдирди.
Басма сөз кызматы билдиргендей, Кашкадарыя облусунун Мубарек районундагы Карши-Бухара унаа жолунда Isuzu үлгүсүндөгү автобустагы газ баллон жарылган.
"Окуянын кесепетинен төрт адам орто деңгээлдеги жаракаттарды алып, райондук ооруканага жаткырылды", — деп айтылат ӨКМдин Telegram-каналында.
Калган жүргүнчүлөргө жеринде амбулатордук жана психологиялык жардам көрсөтүлдү, деп кошумчалады басма сөз кызматы.
Белгилей кетсек, Өзбекстанда бензин жана дизель майынын тартыштыгынан улам унаалардын 70%дан ашыгы жаратылыш газына өткөн.
Пикирлер (0)
Пикир жок. Сиз биринчилерден болушуңуз мүмкүн