Ош шаардык мэриясынын 4 кызматкеринен коронавирус аныкталды. Бул тууралуу мэриянын басма сөз кызматы билдирди.
Маалым болгондой, мэриянын төрт кызматкеринин ичинен 3 кызматкер буга чейин сырттан келген жарандарды тосуп алуу, обсервацияга жайгаштыруу боюнча жооптуу иштерде жүрүшкөн. Ооруну кайдан жуктуруп алышканын билишпейт.
Учурда Ош шаардык мэриясындагы кызматкерлер аралыктан иштеп жатышат.
27-июнга карата республика боюнча СOVID-19 инфекциясынын жаңы 309 учур катталды. Муну менен республика боюнча коронавирус инфекциясын жуктургандардын жалпы саны 4513 болду.
Пикирлер (0)
Пикир жок. Сиз биринчилерден болушуңуз мүмкүн