Бишкекте саркынды сууларды тазалоочу курулмаларды чыгаруучу завод ишке кирди

Бишкекте саркынды сууларды тазалоочу курулмаларды чыгаруучу Sky Tunuk заводу ишке кирди.

Завод Кыргызстандагы биринчи лифттерди чыгаруучу Sky Elevators заводунун базасында ачылды.

Жаңы завод - алдыңкы кореялык технологияларды колдонуу менен саркынды сууларды тазалоо чөйрөсүндө инновациялык жабдууларды өндүрүү жана орнотуу үчүн кубаттуу заманбап борбор болуп саналат. Завод өзүнө биологиялык тазалоочу станциялар, канализациялык насостук станциялар, темир-бетон конструкциялары, май жана нефти тазалагычтар, барабан фильтрлери, ошондой эле блок-модулдук станцияларды камтыйт.

Саркынды сууларды тазалоочу курулмаларды чыгаруучу завод биринчи кезекте экологиялык долбоор болуп саналат. Заводдун кызматкерлерин Кореядан келген инженерлер өндүрүшкө үйрөтүүдө.