Ленин округу боюнча талапкер шайлоого катышуудан баш тартты

№26 Ленин шайлоо округу боюнча Жогорку Кеңештин депутаттыгына талапкер Абдивали Балтабаев шайлоого катышуудан баш тартты.

Балтабаев БШКга 16-августта кайрылган. БШК талапкердин өтүнүчүн канааттандырган.

Белгилей кетсек, №26 Ленин бир мандаттуу шайлоо округу боюнча кайра шайлоо 10-сентябрга белгиленген. Ага 24 талапкер катышат.

Буга чейин Борбордук шайлоо комиссиясы кайра шайлоо үчүн бюллетендеги талапкерлердин тартибин аныктоо үчүн чүчүкулак өткөргөн.